وعــــــــــــــــــد منى

«®°·.¸.•°°·.¸¸.•°°·.¸.•°®»وعـــــد منــــــي«®°·.¸.•°°·.¸¸.•°°·.¸.•°®»

دائما يكون السكوت في عيون الظلم هو ضعف في حد ذاته !!
ولـــــــــــكن (( للصبر حدود ))

أنا لا تشوفني ساكت .. وتجرحني على كيفـــك
ترى والله أنا قادر أطعن من بعد واجـــــــــــــــرح

صبرت .. وفاض بي صبري .. ابنهي لعبك وزيفك
كفايه يا دني النفس .. تجول بخبثك وتمـــــــــرح

بعد كذبك ودوراتك .. (ف) ظهري تطعن بسيفــك ؟
طعنت اللي وهبلك كل حياته لجل ما تفـــــــــرح

تماديت بغرورك زود .. أفا والله يا حيفــــــــــــــك
جمالك غرك ونفسك .. عمتك دون ما تشـــــرح

قبل ما لقنك درسي .. أبد ما ينجلي طيفــــــــك
وأرد كل اعتباراتي .. واقسم فيك أنا وأطـــــــرح

واترك لك جراحاتك .. تكذيبك وتخريفـــــــــــــــك
يجيلك يوم أنا اشوفك .. ذليل وقلبي بك يفـــرح

وعد مني أنا بنهي .. بحياتك جل تحريفــــــــــك
وترجع لي بندم وتقول .. كفايه قسوتك تذبــــح